УУЛ УУРХАЙ

2010 онд “Макс Майнинг” Группийг байгуулснаар, нийгэмд өгөөжтэй уул уурхайг хөгжүүлэхээр зорин ажиллаж байна. Энэ хугацаанд алт, зэс, цайр, төмөр, шохой, нүүрс зэрэг төрөл бүрийн ашигт малтмалын хайгуул, судалгааны төслүүд болон алтны шороон ордод олборлолт хийсэн туршлагатай.
Өнөөдрийн байдлаар алт, зэсийн Хан Алтай, Эрээнбудагт төслүүдэд төвлөрөн ажиллаж байна. Ирэх 4 жилийн хугацаанд тус төслүүдийг хөгжүүлж олборлолт хийх, бүтээгдэхүүн үйлдвэрлэх шатанд хүргэхээр шаргуу ажиллаж байна. Улмаар бүс нутагт хариуцлагатай уул уурхайг хөгжүүлж, дэд бүтэц, тогтвортой ажлын байр бий болох цаашлаад Монгол Улсын эдийн засагт тодорхой хэмжээний эерэг нөлөө үзүүлэх олон боломж нээгдэх юм.

Монгол Улс газрын тосны бүтээгдэхүүнээ дотоодоосоо хангадаг болох үндсэн зорилгын дор “Макс Ойл” ХХК 2013 онд үүсгэн байгуулагдсан. Бид Монгол Улсын Засгийн Газартай бүтээгдэхүүн хуваах гэрээ байгуулж, Сүхбаатар аймгийн Эрдэнэцагаан сумын нутаг дэвсгэрт байрлах “Арбулаг 29” талбайд газрын тосны хайгуулын үйл ажиллагаа явуулж байна.
Энэхүү талбай нь хилийн боомтын дэргэд оршдог учир дэд бүтцийн хувьд маш том давуу талтай юм. Манай улсын газрын тосны дотоодын хэрэглээ хоногт 25,000 баррель буюу 3,600 тонн бөгөөд бараг бүгдийг ОХУ-аас экспортолдог. Тэгвэл ийнхүү 100% үндэсний хөрөнгө оруулалтаар, газрын тосны хайгуул, олборлолтын үйл ажиллагаа эрчимжсэнээр, дотооддоо өөрсдийн хэрэгцээгээ хангаж, улмаар газрын тосны үйлдвэр барих зорилт нэг алхам урагшилна гэж үзэж байгаа юм.