УУЛ УУРХАЙ, ХҮНД ҮЙЛДВЭРЛЭЛ

ГЕОЛОГИ, ЭРЭЛ-ХАЙГУУЛЫН СУДАЛГАА

Макс Группийн геологи хайгуулын баг, хамт олон 2010 оноос эхлэн төрөл бүрийн ашигт малтмалын геологи, эрэл-хайгуулын үйл ажиллагаа явуулж, ордын нөөцийг тодорхойлж, олборлолт, баяжуулан боловсруулах үйлдвэрлэлийн шат хүртэл төслийн бүхий л судалгаа, хөгжүүлэлтийн үйл ажиллагааг хариуцан ажиллаж байна. Өнөөдрийн байдлаар Хан Алтай (алт), Эрээнбудагт (зэс), Дөрвөлжин (шохой) ордын Алтай цемент төслүүдийг хөгжүүлж, дараагийн шатны төслийн гүйцэтгэгч Макс Группийн охин компаниудад шилжүүлээд байна.

Байгууллага: “Хан Өрнөд Майнинг” ХХК
Үйл ажиллагаа: Геологи хайгуул, ТЭЗҮ боловсруулалт, менежментийн үйлчилгээ, төсөл хөгжүүлэлт
Төслүүд: “Хан Алтай алтны” төсөл, “Эрээнбудагт зэсийн” төсөл, “Макс шохой, цементийн цогц үйлдвэр”-ийн төсөл

ОЛБОРЛОЛТ, БОЛОВСРУУЛАЛТ

Хан Алтай төслийг хэрэгжүүлэгч Хан Алтай Ресурс ХХК нь Хан Алтай алтны үндсэн ордыг түшиглэсэн тогтвортой дэд бүтцийг байгуулж, олборлолт, боловсруулалт, баяжуулах үйлдвэрүүдийг цогцоор нь бүтээн байгуулахаар шаргуу ажиллаж байна.
Хан Алтай төслийг хэрэгжүүлсэнээр бүс нутагтаа төдийгүй Монгол Улсад томоохонд тооцогдох алт боловсруулах үйлдвэр бүтээн байгуулахаас гадна бүс нутагт тогтвортой ажлын байрыг бий болгож, улсын эдийн засагт эерэг нөлөө үзүүлэх юм.

Байгууллага: “Хан Алтай Ресурс” ХХК
Үйл ажиллагаа: Алт олборлолт, боловсруулалт
Төслүүд: Хан Алтай алтны төсөл

БАРИЛГЫН МАТЕРИАЛ ҮЙЛДВЭРЛЭЛ

2023 онд бүрэн ашиглалтад орох Макс Группийн шохойн үйлдвэр нь BAT буюу хамгийн дэвшилтэт технологийн шийдлийг ашиглан хоногт 400 тн жилд 120 мянган тн шохой үйлдвэрлэхдээ 90 дээш кальцийн найрлагатай 1-р зэрэглэлийн түүхий шохойг дэвшилтэт технологи эргэх зуухаар Монгол Улсын болон олон улсын стандарт шаардлагыг хангасан шатаасан болон унтраасан шохойг үйлдвэрлэн 1тн, нунтагласан шохойг 50 кг ууттайгаар Монгол Улсын уул уурхай, баяжуулах, боловсруулах үйлдвэрүүдийн болон барилгын технологийн шохойн хэрэгцээг бүрэн ханган нийлүүлнэ.

Байгууллага: “Цэн Газар” ХХК
Үйл ажиллагаа: Түүхий шохой, цемент үйлдвэрлэл
Төслүүд: “Макс шохой, цементийн цогц үйлдвэр”-ийн төсөл

Макс Ойл ХХК

Монгол Улс газрын тосны бүтээгдэхүүнээ дотоодоосоо хангадаг болох үндсэн зорилгын дор “Макс Ойл” ХХК 2013 онд үүсгэн байгуулагдсан. Бид Монгол Улсын Засгийн Газартай бүтээгдэхүүн хуваах гэрээ байгуулж, Сүхбаатар аймгийн Эрдэнэцагаан сумын нутаг дэвсгэрт байрлах “Арбулаг 29” талбайд газрын тосны хайгуулын үйл ажиллагаа явуулж байна.

Энэхүү талбай нь хилийн боомтын дэргэд оршдог учир дэд бүтцийн хувьд маш том давуу талтай юм. Манай улсын газрын тосны дотоодын хэрэглээ хоногт 25,000 баррель буюу 3,600 тонн бөгөөд бараг бүгдийг ОХУ-аас экспортолдог. Тэгвэл ийнхүү 100% үндэсний хөрөнгө оруулалтаар, газрын тосны хайгуул, олборлолтын үйл ажиллагаа эрчимжсэнээр, дотооддоо өөрсдийн хэрэгцээгээ хангаж, улмаар газрын тосны үйлдвэр барих зорилт нэг алхам урагшилна гэж үзэж байгаа юм.