ҮЙЛДВЭРЛЭЛ

Монгол Улсын ууган үйлдвэр “СҮҮ” ХК 1958 оны 12-р сард ЗХУ-ын техник-эдийн засгийн хамтын ажиллагааны хүрээнд нийслэлийн хүн амын сүү, сүүн бүтээгдэхүүнийг хангах зорилготойгоор байгуулагдсан юм. Тухайн үед хоногт 30 тн сүү боловсруулах хүчин чадалтай байгуулагдсан үйлдвэр 1985 онд одоогийн байршилдаа шилжин ирж, шинэчлэгдэн ашиглалтад оров. 1992 оны их хувьчлалын үеэр төрийн өмч давамгайлсан хувьцаат компани болж, Монголын хөрөнгийн бирж дээр бүртгэгдсэн ба улмаар 2006 онд “Максын ах дүүс” Д.Ганбаатар, Д.Цэрэнжигмэд нар “Монголчууд олон сая малтай хэрнээ гадаадаас үнэтэй сүү худалдан авч уух ёсгүй” хэмээх эх оронч итгэл үнэмшилдээ тулгуурлан “Сүү” ХК-ийн хувьцааны хяналтын багцыг худалдан авсан түүхтэй. Ийнхүү сүү, сүүн бүтээгдэхүүний үндэсний үйлдвэрлэл хөгжин дэлгэрч, импортын сүүний зах зээлийн давамгайллыг зогсоож чадсан юм.

Дэлгэрэнгүй

МАКС АГРО ХХК – ЭРЧИМЖСЭН МАЛ АЖ АХУЙН ЦОГЦОЛБОР ФЕРМ

Макс Групп нь Монгол Улсынхаа сүү сүүн бүтээгдэхүүний зах зээлийг тэлж, импортлогч орноос экспортлогч орон болохын төлөө, зорилго тавин ажиллаж байна. Энэхүү зорилтдоо хүрэхийн тулд Сэлэнгэ аймгийн Мандал суманд “Макс Агро” эрчимжсэн мал аж ахуйн цогцолборыг 2008 байгуулсан юм. Төслийн хүрээнд, Европын орнуудаас 600 гаруй өндөр өгөөж бүхий сүүний чиглэлийн үнээнүүдийг нутагшуулсан. Ингэснээр жилийн дөрвөн улирлын туршид шинэ сүүгээр тасралтгүй хангах боломж бүрдэх юм. Үүний зэрэгцээ сүүний чиглэлийн үнээний гол тэжээл болох эрдэнэ шишээ өөрсдөө тарьж ургуулж, цогц үйл ажиллагааг нэвтрүүлэн ажиллаж байна.
600 гаруй өндөр өгөөж бүхий сүүний чиглэлийн үнээ