НҮБ-ын Цөлжилттэй тэмцэх конвенцын Талуудын 17 дугаар бага хуралд (COP17) зориулан байгаль хамгаалал, уур амьсгалын өөрчлөлтийн эсрэг чиглэлээр хэрэгжүүлсэн бодит ажлуудаа бид танилцуулж байна:

“Тэрбум мод” хөдөлгөөний хүрээнд сүүлийн 14 жилд 102,959 мод тарьж ургуулсан бөгөөд 2032 он гэхэд 80,000 гаруй мод, бут нэмж тарихаар зорин ажиллаж байна.

Сэргээгдэх эрчим хүчний чиглэлд 5 МВт-ын салхин сэнсний төслийг ашиглалтад орууллаа.

2009–2025 онд бид нийт 1,012 км авто зам барьж, 930 га-д нөхөн сэргээлт хийн, 8,190 га хөрсний эвдрэлийг бууруулав. (2025 онд 75.4 га-д биологийн нөхөн сэргээлт хийсэн).

Говь-Алтай аймгийн Тайшир суманд байрлах “Тайшир” шохойн үйлдвэрт Монголын анхны “Хаягдалгүй, битүү циклийн технологи”-ийг нэвтрүүлсэн. Ингэснээр технологийн усны 99%-ийг дахин ашиглаж, утаат шүүлтүүрээр агаарын тоосонцрыг 99% хүртэл шүүн, хаягдал дулааныг эргүүлэн ашиглаж байна.