Ах дүү тод манлай нутгийн зун олонтойгоо өргөн дэлгэр сайхан наадлаа

Ах дүү Тод манлай нутгийн зон олонтойгоо өргөн дэлгэр сайхан наадлаа

Говь Алтай аймгийн Баян Уул сумын уугуул Монгол улсын Тод манлай уяач ах дүү Д.Цэрэнжигмэд, Д.Ганбаатар нарын цолны хүндэтгэлд зориулсан эрийн 3-н наадам 8 дугаар сарын 9 ны өдөр Говь Алтай аймгийн Естийн аманд өргөн дэлгэр сайхан болж өнгөрлөө.

20 гаруй жилийн түүхтэй Макс Групп гэх үндэсний томоохон бүтээн байгуулагч Топ аж ахуйн нэгжүүдийн нэгийг удирдан авч яваа ах дүү Тод манлай нар 1999 оноос хойш хурдан морь уяж, уралдуулж эхэлсэн түүхтэй. Үүнээс хойш ах дүү уяачид улс бүсийн наадмаас нийт 28 түрүү, 33 айраг хүртсэн бөгөөд энэхүү амжилтаараа Монгол улсын түүхэнд анх удаа Ах дүү Тод манлай гэж цоллуулах болсон юм. Ах дүү Тод манлай нар энэхүү эрхэм хүндэт цолоо хүндэтгэж нутгийн зон олонтойгоо баяраа хуваалцан Их нас, Соёолон нас, Хязаалан насны шандаст хурдал хүлгийн уралдаан, 128 хүчит бөхийн барилдаан, Халх сурын харваа, Өсвөр насны шатрын тэмцээн зэрэг олон шинэлэг наадгайг оролцуулсан өргөн дэлгэр сайхан наадмыг зохион байгууллаа.
Монгол улсын Тод манлай уяач ах дүү Д.Цэрэнжигмэд, Д.Ганбаатар нар  нийгэмд хүлээсэн үүрэг хариуцлагыг ухамсартайгаар биелүүлж нийгмийн халамж үйлчилгээ хамгийн их хэрэгцээтэй байгаа эмзэг бүлгийн бүтэн өнчин 200 хүүхдэд хадгаламжийн дэвтэр нээн өгхөөр ажиллаж байгаа. Үүний хүрээнд 2011 оноос эхлээд нийт 80 гаруй ээжийн энэрэл хайраар дутаж явдаг Хүүхэд асран хүмүүжүүлэх төв болон Хүүхдийн хөгжил хамгааллын төвийн хүүхдэд тун удахгүй ажил амьдралын гараанд хөл тавин орох гарааны хөрөнгө оруулалтыг хийж тус бүр 500 мянган төгрөгийг Худалдаа, Хөгжлийн Банкны “Хүүхдийн мөнгөн хадгаламж”- ийн дэвтэрт нээн өгч гардуулж байсан. Энэхүү тусламжид хамрагдсан хүүхдүүд эхнээсээ үр шимийг нь хүртэн, сургалтын төлбөр, амьжиргааныхаа зардалд зарцуулж эхлээд байгаа. Ах дүү Тод  манлайн удирддаг Макс Группийн зүгээс хүмүүнлэгийн ажлаа тус наадмын үеэр үргэлжлүүлэн Говь-Алтай аймгийн 9-н булаг сумын 17 хүүхдэд тус бүр 500 мянган төгрөгийн хадгаламж нээн гардуулан өгсөн юм. Энэхүү үйл ажиллагааг Макс Группийн зүгээс жил бүр уламжлал болгон улс даяар явуулхаа амалсан юм.

Цолны хүндэтгэлд зориулсан наадамд гурван насны 300 гаруй шандаст хүлэг хурд хүчээ үзэж, эр бяр нь тэгширсэн улсын Гарьд, заан, начин цолтонгуудаар манлайлуулсан 128 хүчит бөхчүүд эр бяраа гайхуулж, Улсын даяар дуурсах мэргэн, улсын мэргэн, спортын марстерүүд толгойлсон харваачид халх сурын харваанд цэцнээ сорин, аймаг сумдын өсвөрийн шилдгүүд шатраар өрсөлдөж зөвхөн Говь Алтайчууд төдийгүй бусад олон аймаг, сумдаас хүрэлцэн ирсэн наадамчин олны уухайн түрлэг дор олон түмнийг баярлуулсан сайхан наадам боллоо.

Их насны морьдын уралдаанд уралдсан унаач хүүхдэд бүрт гарын бэлэг гардуулан өглөө.   Нийт 141 их насны морьд уралдсанаас эхний 21 хүртэл байранд хурдалсан их морьдыг байлсан.

 Соёолон насны морьдын уралдаанд уралдсан унаач хүүхэд бүрт гарын бэлэг гардуулан өглөө.  Нийт 92 соёолон насны морьд уралдсанаас эхний 21 хүртэл байранд хурдалсан морьдыг байлсан.

Хязаалан насны морьдын уралдаанд уралдсан унаач хүүхэд бүрт гарын бэлэг гардуулан өглөө.  Нийт 116 хязаалан насны морьд уралдсанаас эхний 21 хүртэл байранд хурдалсан морьдыг байлсан.

Ах дүү Тод манлайн цолны хүндэтгэлийн наадамд гурван насны хурдан морьдын уралдаанаас гадна хурдан удмын адууны дуудлага худалдаа болон оролцсон бүх уяачдад сугалаа тарааж 2 азтанг тодруулсан юм.

• Макс угшилын хүрэн байдасны /эцэг нь хүрэн азарга, эх нь тойруулга гаралтай хүрэн гүү/ азтангаар Говь Алтай аймгийн Баян Уул сумын уугуул сайн малчин А.Цээсүрэн тодорсон бөгөөд энэхүү наадамд түүний уяаж хурдлуулсан сартай хүрэн үрээ их насны морьдын уралдаанд 6-д хурдалсан юм
• Удам угшил сайтай хурдан азарганд гүү хураалгах эрхийн азтангаар Говь Алтай аймгийн Тайшир сумын уугуул Ө.Ганзориг тодорсон бөгөөд уяачны уяа хурдлуулсан саарал үрээ соёолон насны морьдын уралдаанд айргийн 3-т хурдалсан юм.

Бөхийн барилдааны их шөвөгт барилдсан бөхчүүдийн нэрс:

Халх сурын харвааны шагналт байрууд: